İyul ayının 2-də Azərbaycan Polisi yaranmasının 107-ci ildönümü qeyd edir.
Azərbaycan Polisi bu müddətdə şərəfli və keşməkeşli yol keçmişdir.
Ulu Öndər Heydər Əliyevin 1998-ci il 24 may tarixli Fərmanına əsasən 2 İyul - Azərbaycan Polisi Günü elan edilib. Həmin vaxtdan başlayaraq, hər il ölkəmizdə iyulun 2-si Azərbaycan Polisi Günü kimi qeyd edilir. Azərbaycan Xalq Cümhuriyyəti dövründə cinayətkarlıqla mübarizə aparmaq və ictimai təhlükəsizliyi təmin etmək məqsədilə 1918-ci il iyulun 2-də yaradılan Polis bölüyü 1918-1920-ci illəri əhatə edən fəaliyyəti dövründə Azərbaycan dövlətinin formalaşmasında, milli maraqların qorunmasında mühüm rol oynamış, müstəqilliyin müdafiəsinin ön sıralarında olmuşdur. Bu gün asayişin, milli təhlükəsizliyimizin qorunmasında, cinayətkarlığa qarşı mübarizədə, eləcə də torpaqlarımızın işğaldan azad edilməsində polisin əməyi yüksək qiymətə layiqdir.
1918-ci il mayın 28-də öz müstəqilliyini bəyan etmiş Azərbaycan Xalq Cümhuriyyətinin milli hökumətinin tərkibində Daxili İşlər Nazirliyi də yaradılıb. 1918-1920-ci illəri əhatə edən fəaliyyəti dövründə nazirlik və onun tərkib hissəsi olan polis Azərbaycan dövlətinin formalaşmasında, milli maraqların qorunmasında üzərinə düşən vəzifəni şərəflə yerinə yetirib. 1941-1945-ci illərdə faşizm ilə mübarizədə Azərbaycan polisinin 800 nəfərə yaxın əməkdaşı rəşadətlə vuruşmuş, igidlik göstərərək orden və medallara layiq görülmüşdü. Azərbaycan dövlət müstəqilliyini bərpa etdiyi illər ərzində istər daxili münaqişələr, istərsə də torpaqlarımızı hissə-hissə işğal edən erməni faşistləri ilə müharibədə, ölkəmizin suverenliyi və ərazi bütövlüyü uğrunda gedən döyüşlərdə də polislərimiz daim ön sıralarda olmuş, sinələrini düşmənə sipər edərək şəhidlik zirvəsinə ucalmışlar. Daxili işlər orqanlarının əməkdaşları arasında “Milli Qəhrəman” fəxri adına layiq görünənlər, “Azərbaycan Bayrağı” ordeni və medallarla təltif edilənlər var. Bütövlükdə, Azərbaycanın müstəqilliyi və ərazi bütövlüyü uğrunda döyüşlərdə daxili işlər orqanlarının və Daxili Qoşunların şəxsi heyəti düşmənlə mərdliklə mübarizə aparmış, 932 şəhid vermiş, 681 əməkdaş isə əlil olmuşdur.
2023-cü ilin sentyabrında Qarabağda keçirilən bir günlük antiterror tədbirləri zamanı polislərimizin, hərbçilərimizlə və digər xüsusi xidmət orqanlarının əməkdaşları ilə birlikdə fədakarcasına döyüşməsini, hətta şəhid olmalarını yad etməmək mümkün deyil.
Prezident İlham Əliyevin hər zaman polisin əməyini yüksək qiymətləndirib:
“Cinayətkarlığa qarşı mübarizədə polis işçiləri ön cəbhədədir. Bu gün Azərbaycanın uğurlu inkişafında, ölkəmizdə sabitliyin tam şəkildə bərqərar olunmasında, asayişin yüksək səviyyədə qorunması işində polis orqanlarının böyük xidmətləri var. Mən polisin işini yüksək qiymətləndirirəm”. Bu müdrik ifadələr Azərbaycan polisinin xidməti vəzifələrini layiqincə yerinə yetirmələrinə verilən ən yüksək qiymət olmaqla onların işinə yeni stimul verir.
Soyuqda, küləkdə, qarda, yağışda, şaxtada və isti havada küçələrdə növbə çəkən və təhlükəsizliyimizi qoruyan minlərlə polisimiz hər birimizin fəxridir. Onlar özlərinin sağlamlıqlarını və həyatlarını təhlükə altına ataraq vətəndaşların təhlükəsizliyini qoruyurlar. Belə şərəfli bir missiyanı yerinə yetirənlərə böhtan atmaq, onlara təzyiq göstərmək, təhqir etmək, vəhşicəsinə qətlə yetirmək bağışlanılmaz çirkin əməllərdir. Polislər də bizim balalarımız, qardaşlarımız, əzizlərimizdir. Bütün vasitələrlə şərəfli peşə sahiblərini qorumalıyıq.
Azərbaycan polisi çətin, ağır günlərdə də hər an insanların təhlükəsizliyinin və ölkənin sabitliyinin keşiyində dayanır. Pespublikamızda ictimai-siyasi sabitliyin tam bərqərar olunmasında xüsusi xidmətləri olan Azərbaycan polisi həm də sabitliyin təmin edilməsinin onurğa sütunudur. Dünyanı lərzəyə salmış koronavirusun tüğyan etdiyi illərdə həkimlərimizlə yanaşı, polislərimiz də çox böyük fədakarlıq göstərdilər. Həmin vaxtlarda polislərimiz öz humanistliyindən də qalmadı, ciddi ehtiyacı olanlara, çətinliklərlə üzləşənlərə köməklərini əsirgəmədilər.
Bu gün Prezident İlham Əliyevin diqqət və qayğısı sayəsində daxili işlər orqanlarının əməkdaşları ölkədə cinayətkarlığa, onun transmilli növlərinə qarşı mübarizədə, asayişin və təhlükəsizliyin təmin olunmasında xüsusi xidmətləri ilə seçilirlər: “Polislərimiz vətəndaşların hüquq və azadlıqlarının müdafiəsi sahəsində üzərilərinə düşən vəzifələri peşəkarlıqla yerinə yetirirlər. Qanunun aliliyini, dövlətçilik mənafelərini daim uca tutan daxili işlər orqanlarının əməkdaşları Vətənin müdafiəsində həmişəki kimi yenə də nümunə göstərəcək, vətəndaşlarımızın təhlükəsiz həyatının, asayişin qorunması işinə bundan sonra da layiqli töhfələr verəcəklər.
2 iyul Azərbaycan Polisinin peşə bayramı münasibətilə insan və vətəndaşların hüquqlarının, ictimai asayişin, Qanunlarımızın keşiyində Müsəllah dayanan,Xalqımıza, dövlətimizə şərəfli xidmət göstərən, bütün Polis əməkdaşlarımızı, veteranlarmızı və eyni zamanda vaxtilə sıralarımızda (Daxili İşlər Nazirliyi Daxili Qoşunların Baş İdarəsinin Xüsusi təyinatlı dəstələrində müxtəlif vəzifələrdə xidmət etmiş) daim döyüşü fədakarlığı, yüksək vətənpərvərliyi ilə qurur duyduğumuz dəyərli həmkarımız Elnur Kərimovu polis generalı-mayoru ali rütbəsinə layiq görülməsi ilə bağlı səmimi qəlbdən təbrik edir, onlara cansağlığı , uzun ömür, şərəfli xidmətlərində yeni uğurlar arzulayıram.
Bayramınız mübarək Azərbaycan polisi!
Azərbaycan Respublikasının Silahlı qüvvələri veteranı və müharibə veteranı , peşəkar hərbçi və hüquqşünas polkovnik Salman Musayev
Hiç yorum yok:
Yorum Gönder