Daxili İşlər Nazirliyi (DİN-in) Daxili Qoşunların həyatında müxtəlif vəzifələrdə xidmət etmiş, peşəkarlığı, xeyirxahlığı, işgüzarlığı humanistliyi, iradı, mənəvi keyfiyyətləri və səmimiyyəti ilə seçilən, Azərbaycan Respublikasının müharibə veteranı - olmuş, mayor Ağayev Əziz Novruz oğlu əgər yaşasaydı may ayının 5 - də 68 yaşı tamam olacaqdı.
Qeyd edək ki,mayor Ağayev Əziz Novruz oğlu 1957 -ci ilin may ayının 5- də Zəngilan rayonunun Genlik kəndində zəhmətkeş ailədə anadan olmuşdur.
1974 -cü ildə Zəngilan şəhər 1 nömrəli orta məktəbi, 1980 -ci ildə Rusiya Federasiyasının Çelyabinsk vilayətinin Maqnitoqorski şəhərində İnşaat Müəllimlər İnstitutunu bitirmişdir.Ə.Ağayev
DİN-in Daxili Qoşunlarda xidmət etdiyi illər ərzində bir çox təlim- metodiki toplanışlarda, müvafiq kurslarda, hərbi və xüsusi -taktiki təlimlərdə, seminar və konfranslarda fəal iştirak edib.
Əziz Ağayev 1980-1992-ci illərdə Bakı şəhər təhsil idarəsində metodist vəzifəsində işləmişdir.
1992-2006 -ci illərdə Daxili İşlər Nazirliyinin Daxili Qoşunların Binəqədi rayonunda yerləşən hərbi hissəində (briqadasında) mənzil istismar xidməti rəisi
vəzifəsində Millətə, vətənə, dövlətə və xalqa sədaqətlə xidmət etmişdir.
Ə.Ağayev Daxili Qoşunlarda xidmət etdiyi illər ərzində öz tabeliyində olanlara Azərbaycan Respublikası Konstitusiyasına və qanunlarına əməl edilməsi, Hərbi andın, hərbi və daxili qoşunların döyüş xidməti nizamnamələrinin tələblərinin dəqiq və sözsüz yerinə yetirilməsi işində daimi nümunə olmuşdur.
Azərbaycanın ərazi bütövlüyü uğrunda ( Ağdam və Füzuli rayonları istiqamətində) gedən döyüşlərdə iştirak etmişdir.Azərbaycan Respublikasının nüharibə veteran idi.
Mayor Ağayev Əziz Novruz oğlu Daxili Qoşunlarda xidmət etdiyi illər ərzində, özünü qorxmaz , insanpərvər, əli açıq, yüksək intellektual səviyyəli bir zabit kimi göstərmişdir. O, istər təhsil aldıgı orta və ali təhsil müəssisələrində, istərsə də xidmət etdiyi və işlədiyi kollektivlərdə, dost - tanış, qohum- əqrəba arasında özünə layiq hörmət qazanmışdır.
Qanunvericilikilə müəyyən olunmuş qaydada Daxil İşlər Nazirliyi Daxili Qoşunlarına həvalə edilmiş vəzifələrin yerinə yetirilməsində,şəhərdə,yaşayış məntəqələrində və kütləvi tədbirlərin kecirilmə yerlərində ictimai asayişin qorunmasında və ictimai təhlükəsizliyin təmin edilməsində yaşayış məntəqələrində və cəzaçəkmə müəsisaələrində kütləvi iğtişaşların qarşısının alınmasında,qəzalar,yanğınlar,bədbəxt hadisələr, təbii fəlakətlər və başqa fövqalədə hallar, habelə fövqaladə vəziyyət və komendant vəziyyət zamanı hüquqi rejim tədbirlərinin həyata keçirilməsində, cinaətkarlığa qarşı mübarizədə, dövlətin ərazi bütövlüyün təmin edilməsində isə üzərinə düşən vəzifə və tapşırıqların öhdəsindən layiqincə gəlmişdir.
Hərbi xidməti vəzifələrinin icrası zamanı yüksək mənəvi - döyüş keyfiyyətləri göstərdiyinə, döyüş və ictimai siyasi hazırlığında, hərbi intizamın möhkəmləndirilməsində yüksək göstəricilərə nail olduğuna və nümunəvi xidmətinə görə Azərbaycan Respublikasının Daxili İşlər Nazirnin, Daxili Qoşunlar Komandanın və onun müavinlərinin, hərbi hissə komandirinin müvafiq əmrləri ilə əla xidmətlərə görə əlacı və yubiley döş nişanları ilə təltif edilib, bir çox fəxri fərmanlarla, qiymətli hədiyyələrlə mükafatlandırlıb və ona təşəkkür elan edilmişdir.
Azərbaycan Respublikasının müstəqilliyinin ,ərazi bütövlüyünün qorunub saxlanılmasında, respublikada əmin - amanlığın təmin edilməsində, ictimai əsayişin qorunmasında, cinayətkarlığa qarşı mübarizədə öz xidməti vəzifələrini və hərbi hissənin qarşısında qoyulmuş tapşırıqları yerinə yetirərkən fəriqləndiyinə görə aşağıdakı medalarla təltif olunmuşdur.
1."Qusursuz xidmətə görə " 3- cü dərəcəli medal - Silahlı Qüvvələrdə - 10 təqvim ili xidmətə görə;
2."Arbaycan Respubilkası Silahlı Qüvvələrinin 10 -illiyi ( 1991- 2001)”yubiley medalı ilə;
Heyf ki,2024-cü ilin sentyabr ayının 11-də mayor Əziz Ağayevi itirdik. Lakin Əziz Ağayev qəlblərdə yaşayır və yaşayacaq.
ALLAH RƏHMƏT ELƏSİN!
Azərbaycan Respublikasının Silahlı Qüvvələri və müharibə veteranı, peşəkar hərbçi və hüquqşünas polkovnik Salman Musayev
Hiç yorum yok:
Yorum Gönder