Ömrünü gününü Vətənin bütövlüyünə,xalqımızın xoş gələcəyinə həsr edən hər kəs Vətənin xoşbəxt vətəndaşıdır. Belə vətən təəssübü çəkən oğlanlardan biri də Daxili İşlər Nazirliyinin Daxili Qoşunların Baş İdarəsinin Maddi- Texniki Təminat İdarəsinin Baytar xidmətində şərəfli xidməti yolu keçmiş,işgüzarlığı,yüksək intellektual səviyyəsi,vətənpərvərliyi, idarəçlik qabiliyyəti,xeyirxahlığı, səmərəli fəaliyyəti,iradi və mənəvi keyfiyyətləri ilə həmişə seçilən, ziyalı insan olmuş- polkovnik
Suleymanov Zakir Nadir oğlu əgər yaşasaydı may ayının 12 -də 76 yaşı tamam olacaqdı.
Qeyd edək ki, polkovnik Süleymanov Zakir Nadir oğlu 12 may 1949 - cu ildə Gürcüstan Respublikasının Dimanis rayonunun Qızıl-Kilsə kəndində zəhmətkeş bir ailədə anadan olmuşdur.
Zakir Suleymanov Gürcüstan Respublikasının Dimanis rayonunun Qızıl- Kilsə kənd orta məktəbini bitirdikdən sonra 1967-ci ildə Gəncə şəhərində Azərbaycan Kənd təsərrüfatı Inistutuna daxil olmuş, 1972 -ci ildə həmin institutu bitirmişdir.
Polkovnik Zakir Süleymanov 1972-1974-cü illərdə Sovet ordusunda müddətli həqqi hərbi xidmətdə olmuşdur.Zakir hərbi xidmətdə olduğu zaman Murmansk şəhərində hərbi məktəbi bitirdikdən sonra ona ilkin "leytenant" hərbi rütbəsi verilmişdir.
Zakir Suleymanov öz ixtisası üzrə 1974-1991- ci ilə kimi Gürcüstan Respublikasının Dimanis rayonunda, 1992-1993-cu illərdə isə Abşeron rayonunda müxtəlif rəhbər vəzifələrdə işləmişdir.
1993-2009 - cü ilərdə Daxili İşlər Nazirliyi Daxili Qoşunların Baş İdarəsinin maddi- texniki təminat idarəsində xidmət rəisi vəzifələrində Vətənə və xalqa sədaqətlə xidmət etmişdir.
Polkovnik Zakir Süleymanov Daxili Qoşunların Baş İdarəsinin maddi- texniki təminat idarəsindən yaşa görə Silahlı Qüvvələrdən ehtiyata buraxldıqdan sonra 2009-2015 -ci illərdə həmin idarədə müqavilə əsasında öz ixtisası üzrə mülkü işçi kimi işləmişdir.
Polkovnik Zakir Nadir oğlu Süleymanov peşəkarlığı, humanistliyi, xeyirxahlığı, sadəliyi, səmimiyyəti, dəqiqliyi, təmkinliyi, təşkilatçılıq bacarığı və səmərəli fəaliyyəti ilə ilə seçilən, ömürünün ən məhsuldar dövrünün 17-ildən çox şərəfli xidməti yolunu hərbi xidmətdə keçirmişdir.
Azərbaycan Respublikası Konstitusiyasına və qanunlarına əməl edilməsində, Hərbi Andın, hərbi və daxili qoşunların döyüş xidməti nizamnamələrin tələblərinin, əmr və sərancamların dəqiq və sözsüz yerinə yetirilməsi işində öz tabeliyində olanlara və bir çox hərbi qulluqçulara şəxsi nümünə olmuşdur.
Öz xidməti vəzifə borclarının öhdəsindən layiqincə gəldiyinə görə polkovnik Süleymanov Zakir Nadir oğluna Daxili İşlər Nazirinin müvaiq əmrləri (mükafat qaydasında) vaxtından əvvəl “kapitan”, “mayor”, “polkovnik- leytenant” və bir pillə tutduğu vəzifədən yuxarı “polkovnik” hərbi rütbəsi verilmişdir.
Hərbi xidməti vəzifələrinin icrası zamanı yüksək mənəvi- döyüş keyfiyyətləri göstərdiyinə, döyüş və ictimai sıyasi hazırlığında, hərbi intizamın möhkəmləndirilməsində yüksək göstəricilərə nail olduğuna və hərbi vəzifələrinin yerinə yetirilməsinə məsuliyyətlə yanaşdığına görə , Daxili İşlər Nazirinin, Daxili Qoşunlar Komandanın və onun müavinlərinin müvafiq əmrləri ilə əla xidmətlərə görə əlacı və yubiley döş nişanları ilə, dəfələrlə fəxri fərmanlarla, qiymətli hədiyyələrlə mükafatlandırılıb və ona təşəkkür elan edilib.
Polkovnik Zakir Nadir oğlu Süleymanov xidmətdə fərqləndiyinə və səmərəli fəaliyyətinə görə Azərbaycan Respublikasının Prezidenti adından Daxili İşlər Nazirnin müvafiq əmrləri ilə aşağıdakı medallarla təltif edilib:
1."Qüsursuz xidmətə görə” 2-ci dərəcəli medal ilə-Silahlı Qüvvələrdə 15 təqvim ili xidmətə görə;
2.“Qüsursuz xidmətə görə” 3-cü dərəcəli medal ilə- Silahlı Qüvvələrdə 10 təqvim ili xidmətə görə;
3."Azərbaycan Respubilkası Silahlı Qüvvələrinin 10-iliyi (1991-2001)” yubiley medalı ilə;
4.“Azərbaycan Respubilkası Silahlı Qüvvələrinin 90-illiyi (1918-2008)” yubiley medalı ilə.
Qeyd edək ki, polkovnik Süleymanov Zakir Nadir oğlu 2020 -ci ilin noyabr ayının 14 də Bakı şəhərində vəfat edib.
Hal-hazırda haqq dünyasında olan polkovnik Süleymanov Zakir Nadir oğlunun əziz ruhu onu tanıyanlar tərəfdən daimi hörmətlə xatırlanır və yad edilir. Belə vicdanlı oğulları ilə tanınır Vətən.
ALLAH RƏHMƏT ELƏSİN.
RUHU ŞAD, MƏKANI CƏNNƏT OLSUN!
Azərbaycan Respubilkasının Silahlı qüvvələri veteranı və müharibə veteranı, peşəkar hərbçi və hüquqşünas polkovnik Salman Musayev
Hiç yorum yok:
Yorum Gönder