Tarix boyu həkimlik sənətinə ülvi bir peşə, həkimə isə müqəddəs bir şəxs kimi yanaşılmışdır. Sənətini mükəmməl bilən, insanların sağlamlığının keşiyində ləyaqətlə duran, onların qayğısına qalan həkimlərin xətri el-obada həmişə əziz tutulmuşdur. Hətta el arasında müdrik və mütərəqqi adamları loğmanla müqayisə edirdilər.
Həkim adını daşımaq nə qədər məsuliyyətli olsa da, bir o qədər də şərəflidir. Xalqın səhhətini qorumaq, hər kəsin öz sağlamlığını və həyatını etibar edəcəkləri qədər inamını qazanmaq hər insana nəsib olmur. Möcüzəli əlləri ilə insanlara şəfa bəxş edərək, xarakteri ilə səhhətlərində yaranmış problemlərini unutduraraq onların ehtiramını qazanmaq həkimlərin peşə vəzifələrinin ən ümdə məqamlarından biridir. Tibb xidməti mayoru Şəlalə Babayeva da öz davranışı, xeyirxahlığı, dürüstlüyü, insanpərvərliyi, səmərəli fəaliyyəti, qayğıkeşliyi və insanlara (hərbi qulluqçulara) sağlamlıq, eləcə də gözəl təbəssüm bəxş etmək məharəti ilə onların etibarını və rəğbətini qazanmış həkimlərdəndir.
Qeyd edək ki, orta təhsilini uğurla başa vuran Şəlalə Əvəz qızı Babayeva Azərbaycan Dövlət Tibb Universitetini bitirib. 2024-cü illə kimi Daxili İşlər Nazirliyi (DİN-in) Daxili Qoşunlarının Baş İdarəsinin Tibb xidmətində və Hərbi həkim komissiyasında müxtəlif vəzifələrdə Vətənə dövlətə və xalqa sədaqətlə xidmət etmişdir.
Şəlalə həkim Daxili İşlər Nazirliyi Daxili Qoşunlarında xidmət etdiyi illərdə ölkəmizdə tibb xidməti üzrə dəfələrlə müvafiq ixsasartırma kurslarında və seminarlarda, eləcə də kongres və simpoziumlarda iştirak edib
Öz xidməti vəzifələrini yerinə yetirərkən fəriqləndiyinə və hərbi xidmət keçdiyi dövrdə göstərdiyi digər xidmətlərə görə Daxili İşlər Nazirinin, Daxili Qoşunlar Komandanın, onun müavinlərinin müvafid əmirləri ilə əlacı və yubiley döş nişanları ilə təltif olunub, dəfələrlə diplomlarla, fərmanlarla, qiymətli hədiyyələrlə (pul mükafatları ilə) mükafatlandırılıb,Şəlalə xanıma təşəkkür elan edilb və bir sıra medallarla təltif olunub:
.Şərəfli ömür yolu keçmiş, insanların sağlamlığını ləyaqətlə qorumuş və savadlı mütəxəssis, gözəl insan və qayğikeş həkim kimi kiçikdən-böyüyə onu tanıyanların hər birinin dərin rəğbətini qazanmış Şəlalə həkimin mart ayının 5-də anadan olmasının 53-ci ildönümüdür. Şəlalə həkimi belə bir əlamətdar gün münasibəti ilə Daxili İşlər Nazirliyinin zabitlər birliyinin üzvləri, Daxili Qoşunlarının ehtiyatda və istefada olan zabitləri, (tibb işçiləri) onun doğmaları, əzizləri və iş yoldaşları ürəkdən təbrik edir, ona uzun ömür, möhkəm cansağlığı, xoşbəxtlik, şərəfli və məsuliyyətli xidmətində hərtərəfli yeni uğurlar arzulayır.
Azərbaycan Respublikasının Silahlı Qüvvələri və Müharibə Veteranı, peşəkar hərbçi və hüquqşünas polkovnik Salman Musayev
Hiç yorum yok:
Yorum Gönder