Məmmədsadıq Nuriyevin ad günüdür.

Məmmədsadıq Qafar oğlu Nuriyev Bakının Sovetski adlanan dağüstü məhəlləsində anadan olub. Bədəl bəy Bədəlbəyovun məktəbində, Mirzə Fətəli Axundov adına Azərbaycan Dövlət Teatr Məktəbinin aktyorluq fakültəsində (1935-1937) təhsil alıb. Teatr Məktəbində oxuyarkan birinci kursun əvvələrində Milli Dram Teatrının tamaşalarında çıxış edib. 1938-ci ildə rejissor Ağaəli Dadaşovun hazırladığı "Vətən namusu" (Georgi Mdivani) tamaşasında uşaq rolunu oynayıb. Teatr məktəbindən məzun olduqdan sonra göndərişlə Cəfər Cabbarlı adına İrəvan Dövlət Dram Teatrına gedib (1937-1946). Daha sonra Cəfər Cabbarlı adına Gəncə Dövlət Dram Teatrında (1946-1950), Azərbaycan Dövlət Filarmoniyası nəzdindəki musiqili komediya estrada ansamblında (1950-1956), Azərbaycan Dövlət Musiqili Teatrında (1956-1975), az müddət Milli Dram Teatrında çalışıb. Səhnə dostları arasında "Vücud" ləqəbi ilə tanınıb. Məmmədsadıq Nuriyev 1975-ci ildə vəfat edib.

Aktyor Məmmədsadıq Nuriyev aktyor Yaşar Nurinin atasıdır.

Filmoqrafiya:

O olmasın, bu olsun (1956, tammetrajlı bədii film) – aktyor (bazardakı adam)

Koroğlu (1960, tammetrajlı bədii film) – aktyor (kosa Səfər)

Böyük dayaq (1962, tammetrajlı bədii film) – aktyor (kababçı)

Əhməd haradadır? (1963, tammetrajlı bədii film) – aktyor (fəhlə Əhməd)

Sehrli xalat (1964, tammetrajlı bədii film) – aktyor (tacir)

Ulduz (1964, tammetrajlı bədii film) – aktyor (Bayram)

İyirmialtılar (1966, tammetrajlı bədii film) – filmi səsləndirən

Sən niyə susursan? (1966, tammetrajlı bədii film) – aktyor (arıq)

Poçt qutusu (II) (1967, qısametrajlı bədii film) – aktyor (kəndli)

Qanun naminə (1968, tammetrajlı bədii film) – aktyor (Sərrafzadə)