Tanınmış sənətçilər Polad Həşimovun evini ziyarət etdi - Foto

Xalq artisti Əli Nur və Əməkdar artistlər Mehriban Xanlarova ilə Məsmə Aslanqızı  Azərbaycanın Milli Qəhrəmanı, şəhid general Polad Həşimovun evində qonaq olublar.

Bu haqda M.Xanlarova sosial şəbəkədə paylaşım edib. O, birlikdə çəkilən şəkillərini sosial şəbəkədə paylaşaraq bunları yazıb:

"Səmayə ana, Allah sizi böyüklükdən əsirgəməsin. O müqəddəs ocaqda qonaq olmaq bizim üçün böyük şərəfdir. Allah bütün şəhidlərimizə rəhmət eləsin".

Qeyd edək ki, Polad Həşimov 2020-ci il iyulun 14-də Tovuz istiqamətində tabeliyində olan əsgərlərlə bir yerdə döyüş zamanı ön xətdə qəhrəmancasına şəhid olub. Polad Həşimov Azərbaycan Silahlı Qüvvələrinin hərbi əməliyyatlar zamanı şəhid olan birinci və yeganə generalıdır.