Bir gün dünyaya gələn insan bir gün də onu tərk edir. Bu iki gün arasındakı ömür payında onun gördüyü işlər, əməllər, dediyi sözlər, düşündüyü fikirlər, iştirak etdiyi hadisələr insanların xatirəsində qalır.Elə insanlar vardır ki, onlar haqqında xatirələr insanların qəlbinə təsir edir və göz yaşlarına səbəb olur.Belə insanlardan biridə
Daxili İşlər Nazirliyi (DİN-in) Daxili Qoşunlarının həyatında öz dəst-xətti və xüsusi xidmətləri olmuş, yüksək peşəkarlığı, humanistliyi, səmərəli fəaliyyəti, vətənpərvərliyi, torpağa bağlılığı, xeyirxahlığı,işgüzarlığı , dəqiqliyi, təmkinliyi, sadəliyi, səmimiyyəti və mənəvi keyfiyyətləri ilə seçilən, əhatəsində olan insanların daimi hörmətini qazanmış, Azərbaycan Respublikasının Silahlı qüvvələri veteranı və müharibə veteranı olmuş- polkovnik Ziyadov Ayazəli Həzi oğlu idi.
Qeyd edək ki, polkovnik Ziyadov Ayazəli Həzi oğlu 1951-ci ilin may ayının 8-də Masallı rayonunun Dadva kəndində (indiki Masallı şəhərinin Dadva məhəlləsində) zəhmətkeş bir ailədə anadan olmuşdur. 2020-ci ilin may ayının 2-də Bakı şəhərində vəfat etmişdir.
Ayazəli Həzi oğlu Ziyadov Masallı rayonun Dadva kənd orta məktəbini, SSRİ DİN-in Daxili Qoşunlarının Tiflis şəhərində yerləşən diviziyanın tədris alayında güzirlər (bölüyün baş cavuşu, qarovul rəisi və taqım komandiri ixtisası üzrə) məktəbini, Azərbaycan Dövlət Bədən Tərbiyəsi Institutunu (indiki İdman Akademiyasını), SSRİ Daxili İşlər Nazirliyinin Daxili Qoşunlarının Saratov şəhərində yerləşən ali hərbi komandirlər məktəbini bitirmişdir.
Polkovnik Ayazəli Ziyadov Daxil İşlər Nazirliyi Daxili Qoşunlarında xidmət etdiyi illər ərzində Tiflis və Bakı şəhərlərində yerləşən diviziyalarda və hərbi hissələrdə keçirilən təlim- metodiki toplanışlarda, taktiki- xüsusi təlimlərdə, nümunəvi- göstərici məşğələlərdə, müvafiq ixtisasartırma kurslarında, seminar və konfranslarda fəal iştirak etmişdir.
Azərbaycan Respublikasının Silahlı qüvvələri veteranı və müharibə veteranı olmuş- polkovnik Ayazəli Ziyadov 1969 -1991- ci illərdə SSRİ Daxili İşlər Nazirliyinin Tiflis və Bakı şəhərindəki divizyaların Sabail və Nizami rayonlarında yerləşən əlahiddə konvoy (müşayiət) taborunda və konvoy -mühafizə alayında bölüyün baş cavuş,taqım komandırı, bölük komandiri, qərargah rəisinin nəzarətçilər üzrə baş köməkçisi və tabor komandiri vəzifələrində xidməti borcunu uğurla yerinə yetirmişdir.
1992- 1996 - ci illərdə Daxili İşlər Nazirliyinin Daxili Qoşunlarının Səbayıl, Siyəzən rayonlarındada yerləşən əlahiddə müşayiət-konvoy taborun, tədris alayın komandiri, Daxili Qoşunlar Komandanın birinci müavini və Daxili Qoşunlar Komandanın əvəzi vəzifələrində xidmət etmişdir.
Azərbaycan Respublikasının Silahlı qüvvələri veteranı və müharibə veteranı olmuş- polkovnik Ayazəli Ziyadov 1990- 1993 ci illərdə Azərbaycan Respublikasının ərazi bütövlüyü uğrunda, Tovuz, Qazax Ağdam, Zəngilan, Gədəbəy və Ağdərə rayonları istiqamətində gedən döyüşlərdə ona və hərbi hissəyə həvalə edilmiş vəzifə və tapşırıqları məsuliyyətlə şərəf hissi ilə yerinə yetirmişdir. Ermənlərin Qazax rayona hücumu zamanı onların qarşısını qətiyyətlə aldığına görə erməni ekstremistləri məhrum Ayazəli Ziyadovu qara polkovnik çağıraraq, ölümünə küllü miqdarda pul ayırmışlar.
Özünə və tabelikdəki hərbi qulluqçulara qarşı daimi tələbkarlığı, işgüzarlığı və səmərəli fəaliyyəti ilə seçilən, polkovnik Ayaz Ziyadov ömrünün ən məhsuldar dövrünün 32 illdən çox şərəfli xidməti yolunun hərbı xidmətə sərf edərək Dövlətə, vətənə və xalqa sədaqətlə xidmət etmişdir.
Qanunvericiliklə müəyyən edilmiş qaydada Daxil İşlər Nazirliyi Daxili Qoşunlarına həvalə edilmiş vəzifə və tapşırıqların yerinə yetirilməsində, dövlət əhəmiyyətli obyektlərin, inzibati binaların, təchizat anbarların, hərbi şəhərciklərin və cəzaçəkmə müəssisələrinin mühafizə olunmasında, şəhərdə, yaşayış məntəqələrində və kütləvi tədbirlərin keçirilməsi yerlərində ictimai asayişin qorunmasında və ictimai təhlükəsizliyin təmin edilməsində, yaşayış məntəqələrində və cəzaçəkmə müəssisələrində kütləvi iğtişaşların qarşısının alınmasında, qəzalar, bədbəxt hadisələr, yanğınlar, təbii fəlakətlər və başqa fövqəladə hallar, habelə fövqəladə vəziyyət və komendant saatı zamanı hüquqi rejim tədbirlərinin həyata keçirilməsində, dövlətin ərazi bütövlüyünün təmin edilməsində polkovnik Ayazəli Ziyadov üzərinə düşən vəzifə və tapşırıqları layiqincə yerinə yetirmişdir.
Hərbi xidməti vəzifələrinin icrası zamanı yüksək mənəvi-döyüş keyfiyyətləri göstərdiyinə, döyüş və ictimai sıyası hazırlığında, hərbi ıntizamın möhkəmləndirilməsində yüksək göstəricilərə nail olduğuna və hərbi vəzifə borclarını əla yerinə yetirdiyinə görə Daxili İşlər Nazirin müvafiq əmri ilə həvəsləndirmə qaydasında Ayazəli Ziyadova vaxtından əvvəl "polkovnik" hərbi rütbəsi verilmişdir.
Ermənistan respublikasının, respublikamıza qarşı təçəvuzu başlanandan bəzi cəbhənin qaynar döyüş nöqtələrində üzərinə düşən vəzifə və tapşırıqları yerinə yetirərkən xüsusi fəriqləndiyinə və xidməti vəzifə borclarının yerinə yetirilməsinə məsuliyyətlə yaşadığına görə polkovnik Ziyadov Ayızəli Həzi oğlu "Qırmızı Ulduz” ordeni ilə təltif olunmuşdur.
Polkovnik Ziyadov Ayazəli Həzi oğlu öz xidməti vəzifələrini, Daxili Qoşunlarən Baş İdarəsi və hərbi hissə qarşısında qoyulmuş tapşırıqları yerinə yetirərkən fəriqləndiyinə və hərbi xidmət keçdiyi dövrdə göstərdiyi digər xidmətlərə görə SSRİ və Azərbaycan Respublikasının Daxili İşlər Nazirlərinin, Daxili Qoşunlar Komandanlarının, diviziya və hərbi hissə komandirlərinin, təhsil aldıgı təhsil müəssisələrinin və hərbi məktəb rəislərinin müfaviq əmrləri ilə əla xidmətlərə görə əlacı,
yubiley və müvafiq idman dərəcəsi döş nişanları ilə təltif olunmuş, bir çox fərmanlarla, (pul mükafatları ilə), qiymətli hədiyyələrlə mükafatlandırlmış, ona təşəkkür elan edilmiş və aşağıdakı medallarla təltif edilmişdir:
1.“SSRİ Silahlı Qüvvələrinin yaranmasının 60 illiyi (1918-1978)” yubiley medalı ilə;
2.“SSRİ Silahlı Qüvvələrin yaranmasının 70 illiyi (1918-1988)” yubiley medalı ilə;
3. “Qüsursuz xidmətə görə” 1 -ci dərəcəli medal- Silahlı Qüvvələrdə 20 təqvim ili xidmətə görə;
4.“Qüsursuz xidmətə görə” 2 -ci dərəcəli medal- Silahlı Qüvvələrdə 15 təqvim ili xidmətə görə;
5. “Qüsursuz xidmətə görə” 3 -cü dərəcəli medal-Silahlı Qüvvələrdə 10 təqvim ili xidmətə görə.
Hal-hazırda haqq dünyasında olan polkovnik Ayazəli Ziyadovun əziz xatirəsi onu tanıyanların, sevənlərin, yaddaşında,havizəsində yaşayacaq. Onun əziz xatirəsi doğumlarının, yaxınlarının, dost və tanışlarının,iş, döyüşçü yoldaşlarının, ictimaiyyət nümayəndələrinin yaddaşında həmişə qalacaq, daimi hörmətlə xatırlanacaq və yad ediləcəkdir.
Belə vicdanlı oğulları ilə tanınır Vətən!
Allah rəhmət eləsin,
qəbri nurla dolsun, ruhu şad olsun!
Azərbaycan Respubilkasının Silahlı Qüvvələri və müharibə veteranı, peşəkar hərbçi və hüquqşünas polkovnik Salman Musayev.
Hiç yorum yok:
Yorum Gönder