Ömür  yolu o zaman şərəfli və şöhrətli olur ki o, insan ağılına gəlməyən çətinliklərdən,dücar olsun , qarlı aşırmalardan, əlçatmaz, ünyetməz   zirvələrdən aşçın, dərin dərələrdən , sıldırımlı qayalardan  vüqarla və cəsarətlə keçsin. Daxili İşlər Nazirliyi Daxili Qoşunlarının həyatında özünəməxsus xidmətləri olan, yüksək peşəkarlığı, hümanistliyi, sadəliyi, vətənpərvərliyi, səmərəli fəaliyyəti, idarəçilik və təşkilatçılıq bacarığı, işgüzarlığı , iradi və mənəvi keyfiyyətləri ilə seçilən, hörmətli veteranmız  polkovnik Məmməd Hacıyevin  ömür yoluda, belə uca zirvələrdən,daşlı, çınqıllı aşırmalardan, görənləri vahiməyə salan dərin dərələrdən, sıldırımlı yarğanlardan keçirirək ona bir peşəkar zabit kimi şərəf və şöhrət gətirmişdir.

Məmməd  Teymurşah oğlu  Hacıyev 3 sentyabr  1965-ci ildə Quba rayonunun  Alpanlı kəndində zəhmətkeş  bir  ailədə anadan olub.

O, 1987-cı ildə Kazan şəhərinin Ali Tank Məktəbini və  Daxili Qoşunlarda xidmət etdiyi illərdə isə Azərbaycan  Respublikasının Silahlı Qüvvələrin Hərbi Akademiyasının Strateji Tədqiqatlar və Dövlət Müdafiəsini İdarəetmə Akademik kursunu bitirib.Hərbi təcrübə mübadiləsi əldə etmək üçün bir sıra xarici ölkələrdə işgüzar səfərdə olub.

M.Hacıyev 1987–1991-ci illərdə SSRİ Silahlı  Qüvvələrinin  Polşa Respublikasında  yerləşən hərbi hissələrin birində müxtəlif  vəzifələrdə calışıb.

  Azərbaycan müstəqilliyini yenidən bərpa etdikdən sonra  Məmməd Hacıyev   1992-ci ilin mart ayında xidmətini davam etdirmək üçün Azərbaycan Respublikası DİN-in Daxili Qoşunlarının Baş İdarəsinin sərəncamına göndərilib.

O, 1992–2025- ci illərdə Azərbaycan Respublikası DİN-in Daxili Qoşunlarının Nərmanov , Ağdam, Füzuli və Xətai rayonlarında yerləşən hərbi hissələrində bölük komandiri, tabor komandiri hərbi hissə (alay və briqada) komandiri, Daxili  Qoşunların Baş İdarəsində hərbi şuranın katibi vəzifələrində  Millətə, vətənə, dövlətə və xalqa sədaqətlə xidmət edib.

 Hərbi xidməti  vəzifələrini icrası zamanı  yüksək mənəvi -döyüş keyfiyyətləri göstərdiyinə, döyüş və ictimai  hazırlığında,  hərbi intizamın möhkəmləndirilməsində yüksək göstəricilərə nail olduğuna  və nümunəvi xidmətinə görə  Azərbaycan Respublikası Daxili  İşlər Nazirinin müvafiq əmrlərinə əsasən Hacıyev  Məmməd Teymurşah  oğluna  vaxtından əvvəl “mayor”, “polkovnik-  leytenant” və “ polkovnik  hərbi rütbəsi verilib.

Qeyd edək ki, Azərbaycan  Respublikasının Silahlı qüvvələri veteranı və müharibə veteranı  polkovnik Məmməd Hacıyev  Daxili  Qoşunlara  gəldiyi ilk gündən Azərbaycan Respublikasının suverenliyi və ərazi bütövlüyü uğrunda  (Ağdam, Ağdərə, Füzuli  rayonları istiqamətində gedən döyüşlərdə) erməni təcavüzkarlarına qarşı aparılan döyüş əməliyyatlarında da fədakarcasına  iştirak edərək ona həvalə olunmuş vəzifə və tapşırıqların öhdəsindən layiqincə gəlmişdir.1993-1994-cü  illərdə Füzuli bölgəsində gedən döyüşlərdə  onun alay  komandiri olduğu  hərbi hissə  Horadiz qəsəbəsini və 11 yaşayış məntəqəsini  işğaldan azad etmişdir.

M.Hacıyerv qanunvericiliklə müəyyən  edilmiş qaydada Daxili İşlər Nazirliyi  Daxili Qoşunlarına  həvalə edilmiş vəzifə və tapşırıqların  öhdəsindən layiqincə gəlmişdir.

Öz xidməti vəzifələrini, hərbi hissə qarşısında qoyulmuş tapşırıqları yerinə yetirərkən fərqləndiyinə, şücaət, igidlik və fədakarlıq göstərdiyinə  və hərbi xidmət keçdiyi dövrdə göstərdiyi digər xəbərlərə görə  Məmməd Hacıyev  aşağıdakı  medallarla təltif  olunub:

1.”Azərbaycan Respublikasının Silahlı Qüvvələri veteranı”  medalı ilə;

2.“Hərbi xidmətdə fərqlənməyə görə” 1-ci, 2-ci və 3-cü dərəcəli medallar ilə;

3. “Qüsursuz xidmətlərə görə” 1-ci, 2-ci və 3-cü  dərəcəli medallar ilə -Silahlı  Qüvvələrdə 20 il,15 il və 10 il qüsursuz xidmətlərə görə;

4. “SSRİ Silahlı Qüvvələrinin 70 illiyi, “Azərbaycan Respublikasının isə 10,90 və 95  illiyi” yubiley medalları ilə.

M.Hacıyev Azərbaycan Respublikası Prezidentinin 18 dekabr  1993-cü il tarixli Sərəncamı ilə “ Hərbi xidmətlərə görə “ 24 dekabr 1998-ci il tarixli Sərəncamı ilə “Azərbaycan Bayrağı” ordeni  ilə, 6 may  2005-ci  il tarixli Sərəncamı ilə “Vətən uğrunda” medalı ilə təltif edilib.


Daxili  İşlər Nazirliyinin zabitlər  birliyinin üzvləri, Daxili Qoşunların ehtiyatda və istefada olan.zabitləri , kollektivi, (hərbi  vəzifələri) polkovnik  Məmməd  Teymurşah oğlu  Hacıyevi  60 illk yubiley  günü münasibətilə ürəkdən təbrik edir, uzun ömür, möhkəm cansağlığı və bütün işlərində uğurlar diləyir.

Azərbaycan Respublikasının Silahlı qüvvələri veteranı və müharibə veteranı, peşakar hərbçi və hüquqşünas polkovnik Salman Musayev